امطرت . . . ! . والناس قبله بشّرت . . . ! . دعوه من العطشان مقبوله وللغيم انثرت …! . وعم الفرح . . ! . واشك حتى الميتين من الفرح فينا درت . . . ! / / يوم امطرت . . . ! . طفى لهيب قلوبنا! . وكبودنا منّه برت …! . ماهوب ضيف يطق باب . . . ! . الضيف هذا طبعه يطق الدرايش . . . ! . جانا بعد مده . بعد مدة غياب …! . يتأكد ان الكل عايش …! . وراعي العقل وده يعوّد طفل يركض بالطرق ويصير طايش …! . جانا بعد مدة غياب …! . ومن لا لقاه يمر قبره …! . مره وسلم عليه …! . وشلون؟؟ . لابد نعرف بكره يجيه او ما يجيه …! / / يوم امطرت …! . مافيه نخله مادرت …! . ولا مظله مادرت …! . ولا حمامة ما درت …! . ولا . ولا . ولا . ولا . مافيه حاجه مادرت …! / / يوم امطرت …! . تسربت ذكرى وكم ذكرى ملت راسي وكم قطره من الغيمه على وجهي جرت …! . وطار النعااااس …! . وطروا علي جمعات نااااس …! . واشيا على بالي طرت …! / / كنا قبل نخشع لو بليا صلاه …! . حلوه الحياه …! . حياتنا كانت بدايه مابها اية منتهاه …! . نقلّب ايام العمر …! . الصفحه الاولى فرح …! . الثانيه كانت فرح …! . فرح . فرح . والخامسه . والسادسه . فرح فرح فرح فرح …! . امان مانلحق مداه …! . مدام حي ابوي ما يلقى الحزن فينا عشاه …! / / يوم امطرت …! . من الغرق كم تنقذ امي ثوب في حبل الغسيل …! . وكم انقذت سجاده من الموت مغسوله بليل …! . حبل الغسيل …! . ملابسي كانت عليه قصار وامي ماتزال اتحاول و ثوبي طويل …! / / يوم امطرت …! . ريح المطر كله دعاء …! . كله شفاء …! . هي اجمل ايامي نعم …! . لها طعم …! . للشاي للقهوه طعم …! . للضحك للبسمه طعم …! . هي اجمل ايامي نعم …! . هذي امي وهذاك ابوي …! . هذي اختي وهذاك اخوي …! . بعد الفجر والا الى وقت الظهر!! . الى العصر!! . مافيه وقت يردنا …! . اوقاتنا في كل وقت …! . جدا الى الماضي اشتقت / / ووقت المطر …! . نروى قبل لا يرتوي جذع الشجر …! . وقبل الخشب ريحه يفوح …! . مره رطوبه منه ومره سمر …! / / وقت المطر …! . اتفجر الخطوات خطوات الطفوله نبع في كل النواحي ينتشر . تشابه القطرات لاطاحت …! تطيح وتنفجر …! / / و وقت المطر …! . رغبه شديده للكتابه اي حاجه خاطره ولا شعر …! / / وقت المطر …! . ما ودي الا شي واحد …! . كل ما فات انتظر …!