دخول
تسجيلمحاكاة
Jul 13, 2026 02:01 AM Jul 13, 2026 02:01 AM
كيف انام ؟ وكلّ ما حطيت راسي ع المخدّه صاح حلم وقال: فينك كلّ هذا الوقت عنّي ؟! قلت: شفني في مهبّ العمر وظلال المكدّه ما لقيتك فـ الحياة و صرت اعيشك بالتمنّي قال: منّي؟ قلت: منّي! والندم إحساس اعدّه إنكسار وكان يتهشّم بصـدري | وانت منّي.! إنتظرني عنـد باب اليـاس، والّا بأرض شِدّه وافتكـرني بـ الأمل لا طـالت دروبك | وظنّي طال ليلـي | والأرق ما طـاح لـي نجمـه مـودّه عن حزن قلبي اشمّر ضيقتي | واسطى اغنّي شـاعرٍ لا اغرورقت عينـه شعـور و باح سدّه زفّ للحاجه حياه ، ولا ندب حظه تعني في زجـاج البرد يكتب رجفـة التـايه ولدّه قلبه المكسور من ياما | و ياما، وامتحنّي.! ينقر الشبّاك صبح، وينخذل فـ القلب مدّه ما على صمتي سلام وحشرجة صوتي تونّي كيف انام ؟! وكلّما حطيت راسـي ع المخدّه طاح حلم، وجفّ نبـع العين من كحل التمنّي
الكاتب: عبدالعزيز محمد المالكي
0المفضلة
24 المشاهدات
0 تعليقات