دخول
تسجيلريحانهـ
Jul 16, 2026 01:39 AM Jul 16, 2026 01:39 AM
أحبّك عتق من كسر الخواطر، من فراق الكل واحبّك فالمطر في ساحة الشارع، وجدرانه واحبّك مثل ريحـانه سقتها امـي بحب وظِل وقلبي تربتك، وانتي بغـرس الحب | ريحـانة معي وجهك هُدى مادد يدينه لو دعائي ضل شعورٍ بالوفا لا خرّ من قلبي صدى احزانه حبيبة كـل مافينـي، ولا فينـي، قليـل ومل.! من النظرة على عيونك وهي بالحب هيمانة جمعــنا حلم فـي حيّ الصباح، وبلّلـه بالطّل وباقـي مبسمي يذكـر دفـا مبسمك، وألحانه أنا من ظِلّ، يتفيـأ علـى اوراقـي كثير.. وفَل ووحدك من نبت في فيّتي، واتقاسم اغصانه وانا حولك ومن حولك شعوري ماذبل أو قل مشيت العــالم المقفر غريب، وحسك ايمـانه خطاوي صمت ما تخفت معاي ولا تدوّر حل ولا صوتي بيـارق لـوّحـت للبحـر/ والـدانة ووحدك حِل في هذا النظـر، والقلب هذا حِل هنا مرباعك اللي ما يبس نبضه ولا اشجانه يغيب الكل من بالـي، ولا تغيبين مثل الكل معك بالـي، وساحة شارعه، وظْلال جدرانه
الكاتب: عبدالعزيز محمد المالكي
0المفضلة
39 المشاهدات
0 تعليقات