دخول
تسجيلكان ..!
Jul 27, 2026 04:39 AM Jul 27, 2026 04:39 AM
عندما يكون العطاء من طرفٍ واحد.. كان الدموع وْكِنت منديله ( التّور ) ميّلت له كتفي .. تَراكى عليّهْ كان الأمان وكنت له أصدق شْعور صار الغريب .. وماتت الروح فِيّهْ كان الغياب وكنت له أجمل حْضور كنت النخيل اللي تظلّل بـ فَيَّهْ كان الجفاف وكنت له غيم ممطور صارت ضلوعي مِمْحِلَة جَرْهَدِيّة ليت الظلام بْداخلي يَكْسِرَهْ نور مليت اعيش بْعتمةٍ سرمديّة ودي أغني للمطر .. قلبي البور لكنّ صوتي قد خذلني شِويّة ودي أسولف للغصن (موت عصفور) راح وترك من بعض ريشه هديّة* ودي أفضفض لكن البوح مبتور كلما كِتَبْتَهْ عاندتني يِديّه ودي ولكن خاطري منْه مكسور يكفي حكي ماعادِ بَهْ مِنْ بقيّة • * أو ربما ( وصية ) #نوف_الناصر ابريل 2023
الكاتب: نوف الناصر
0المفضلة
16 المشاهدات
0 تعليقات