ربعي الصمدان زيّن ذكرهم بدعي وشعري لابتن يطنخ قصيدي لابتن عن الف لابه علم اللي ماسك التاريخ مقلوب ويهذري ان بغيتوها قريّب والا من عهد الصحابه ولا من شعب الهواشم في عروق الدم يجري والا من سيد الخلايق جدنا اشرف نسابه خذ من التاريخ قصة من قريب الوقت يطري من حفيد اللي حما سيفه دخيله من عصابه علم اللي من سواته في الخطا ضاري ومضري ان بغيتوها قدا و لا بغيتوها حرابه والله إنا ناقف وناطا على روسن تحدري كاسبين افعالنا ماضي وحاضرنا كسابه من زمان الوقت يدري مير هذا الوقت غدري علم اللي يسأل التاريخ عن حضرت جنابه هاشمي فعلي وقولي واضح بسري وجهري هاشمي وارقى على كل الطويلات بمهابه فعلنا يبتر قليل الفهم لا تجربه صبري وان بغيت العلم جالك في سير والا خطابه مير للعربان غايه والنوايا جوف صدري فاتحن باب النقاوه يوم كلن صك بابه والله اني من صدوف الوقت متألم بعمري دام شرهتنا من الزلات تدمحها القرابه ماخبرت اني على ربعي شحوح الا بعذري مدحكم واجب من السنه على المسلم طلابه والله ان الراس يطنخ لاذكرته زاد قدري شيخنا مزبن كريمن لاطغى الجرح وسطابه انشدلي من جروح العمر صار الجرح مبري هو غريب الا على الطولات ماهي له غرابه هو سليل اللي يقود الجمع في خيرن وشري لا نوى لشر عود عقل من اخطا لصوابه صيت ابو ابراهيم يدوي فالعرب مخبور حصري للكرم بيته علامة مارد زحول ونجابه والله ان المدح يعجز والله ان الكل يدري ما انثنى لنايبات ولا وقف كشر بنابه ومن كريم اليا كريمن هاشمي عمي وذخري بن قهد في مجلسن عامر على ضفة حدابه كنه يقول الزمن هذا الزمن وقتي وعصري يكفخ بجنحان جوده مدت ايدينه طبابه يوم كلن في شداده يم نو البرق يسري نوخ ركاب الشديد وكمل المجلس زهابه حي يالصمدان طاري ذكركم عزي وفخري لابتن في مدحهم قد عانق المجد السحابه ودامنا صمدان لله العلي وكلت امري احمده سبحان ربي ما خلق فينا زلابه الشاعر عبدالله الصمداني