دخول
تسجيلمواسم الدخان
Jul 30, 2026 04:01 PM Jul 30, 2026 04:01 PM
أبد ما هي سوالف كان ياما كان .............أمير وْقصر وطْبول وْقلاع وْسور وحكايا شهرزاد بْسالف الأزمان ..................تسلّي شهريار الظالم المغرور صدى صوت الوغى يصدح مع الوديان ....... وصليل السيف من دم البشر مسعور وبيادر من جثث في موسم الدخان ........سديم وْزول طفلٍ مختبي مذعور صرخ في نومته هالمحبط الغلبان ........يصيح الويل فار الما من التنور حلم إنه يخوض بْدم. كالغدران .......ودمعٍ يسقط بْسوح السنين البور رجع يبحث عبث عن ديرة الخلان .........سمع نوح الحمام بْمنزلن مهجور ظلام وْعاصفة خوف وْسموم احزان .....وصفير الموت بْظلال الحجر والدور عذابٍ ماوجد كبره درب نسيان ........واثر دمع اليتامى مورقٍ بْقبور يدوّر مالقى عشه ولا الأغصان .....شف شْسوت به الأيام هالعصفور هلا سفنٍ تخلّصنا بدا الطوفان ..........تودينا من الليل لْجبال النور
الكاتب: عبدالعزيز الروابة
0المفضلة
28 المشاهدات
0 تعليقات