دخول
تسجيلفستان حزني طويل
Aug 1, 2026 10:32 PM Aug 1, 2026 10:32 PM
للّيل اهيجن ..لفجرِك ..للضّحى ..للمقيل واجرّ صوت الشعور المِمْتِلي بالطرب للورد اغنّي .. لعشبِك .. لارتباك النخيل لِعْذوقَه اللّي تمايل واتساقط ( رطب ) للغيم اسولف مواعيد المُطر والمسيل كنّ السوالف تِسابقْني عليك وْ تصب لاحساسك اعزف و ادندن للشعور النبيل اللي نِما بي على غصن الأماني ( عنب ) للشاعر اكتب ..لشِعْري ..للقصيد الجميل للدفتر اللّي جِمعنا في جنون و شغب للغصّة اروي تفاصيل الجفا والرحيل للقصّة اللي روتني يوم حبرك نضب لـ سّهل ..لـ صّعب..للممكن ..وْ للمستحيل أكتب تناقض يشتّتني هدوء وصخب أحلامي اللي تعرّت وارتدت ثوب ليل أشْعَلْتَها للشّتا البارد بصدرك .. حطب كنت اعشقك..كان ذِكرك بالسوالف يسيل قلبي يسابق مواعيدي عليك بـ ( عتب ) مدري قليلك كثير .. او هو كثيرك قليل إن مـ ارتويتك بموت من الظما والتعب فستان حزني طويل .. وليت ماهو طويل أمشي بدرب المفارق واتعثّر غصب قبل الموداع بضمّك مثل ضمة ( بخيل ) تبّت يدين ( الغياب ) اللي طعنّي و تب 10 سبتمبر 2023
الكاتب: نوف الناصر
0المفضلة
33 المشاهدات
0 تعليقات