دخول
تسجيلالطريق المنسي
Aug 18, 2026 09:41 PM Aug 18, 2026 09:41 PM
علموني كيف اعيش الحلم وانسى نفسي..! علموني كيف اجاوب موجعات اسئلته..! من حصاد الذكريات وْ من مواسم غرسي لو يجفّفْه الحنين .. مْن البكا بلَّلْته رحت ادوّر في مسافات الطريق المنسي واترك الليل يتجذّر شارعه و اسْفلته وانده نْجومه تنوّر بالحكايا .. عمسي خايفه من عتمتي .. باقي حكي ماقلته واسأل الخطوات : وينك؟ .. جاوبتني : إنسي .! ضيعتني في متاهاته … ولا كمّلته وارسم ( الهقوة ) ملامح مبهمة في حدسي واتبعه .. وابقى معه .. يا ليتني ضلّلته والظِّلال اللي تمادت وكْبرت من يأسي كل هاجس في مقيلي مرّها .. ظلّلته والمشاعر تنتثر في دفتري من هجسي كل كلمة حبرها من رمشي وْ مكْحَلته والكلام اللي تحشرج واختنق في حسي أصبح بْـ صدري قصيدة عاجزة ما شلته والصباح اللي تجذّر من ملامح أمسي أنبت بـْ غصنه نهار ،، وْ طاح ما أوّلته بس اخاف اني أموت بْـ حلم وافقد نفسى واندفن بين احتمالاته وبين اسئلته .! يوليو - ٢٥ سبتمبر ٢٠٢٥
الكاتب: نوف الناصر
0المفضلة
23 المشاهدات
0 تعليقات