دخول
تسجيلتركيبة شعر
Oct 31, 2026 02:09 PM Oct 31, 2026 02:09 PM
مدخل / لا جيت ارتّب للمشاعر حرفي يِتْأَنَّق الحرف وْ يِقيم اعراسه! • • • الصبح ما هو صبح دون ..احساسه و الليل ما هو ليل دون .. نْعاسه و الغيمة اللي قَبَّلَتْ .... وجناته تمطر على حَدَّ الظما في كاسه و الغصْن لا مِنَّهْ لقى عصفوره نادى العصافير بْـ ذرا نسناسه والذاكرة لو تمتلي بـ اشْياءه تبلّلت يوم امْتَلَتْ بـ انفاسه كِنّ الدفاتر لو تضمّ حْروفه ( قلعة ) .. واصابيعي غَدَنْ حراسه حتى المشاعر لو دَنَتْ تحكيله خدْرَتْ .. و دَلَّتْ تستمع لاجراسه هذا الشعر ( تركيبةٍ مجنونة ) والشاعر اللي يمتلك قرطاسه وان كان به واحد يلبّس شِعره أسْمال حرفٍ وِ يْتحدى ناسه لا بُد في يوم يْتَعَرّى حرفه أو ينكسر لاجاه يحطب .. فاسه! • • • مخرج / ياللي قِطفت مْن الورود اشعارك غيرك رمى وَرْد القصيد وْ داسه ..! • • من الأرشيف
الكاتب: نوف الناصر
0المفضلة
14 المشاهدات
0 تعليقات