‏دورت مابين جدراني .. و بيباني ..! ‏ضاعت كفوف الأماني تحتري درْفة ‏أحيان ادوّر ملامح ( وجه ) و القاني .! ‏واحيان اتوه بْملامح ( وجه ) ما عرفه.! ‏حاولت الاقي مسافاتي .. و عنواني.! ‏في رحْلتي بوصلة هالرّوح منحرفة ‏حاولت اشتّت وابعْثِر في ورق فاني ‏ثم اجْمَعَه واتِشَتَّت في فَنا حرفه .! ‏أشعلْت انا في غيابه ( عِذْر ) و ابكاني ‏و ازْريت ابرّر قساوة قلبه وْ ظرفه.! ‏ليه المواجع تصب السهر لاجفاني ؟! ‏ما يكفي الشوق يثمل بهْ وِ يِحْتَرْفه .! ‏سَمَّرْت هذا (الغياب) بـْ لوحة احزاني ‏علّقتها في جدار الروح .. و الغرفة .. ‏مابين جرحي .. وِ تنهيدي .. وِ حرماني ‏دمعٍ ترَدَّدْ مـ بيـن مْكابر .. وْ ذَرْفَه .! ‏بحاول ابكي إلين تْصيـح جدراني ‏وانْ ما ذرفْته بكابر و افتح الشرفة ‏وانادي الليل يِتْكسَّر على اغصاني ‏وَ اتْمَرْجَح النور طفلة عذبةٍ ترفه ‏وانْ ما قطعت المسافة مِنْ عمُر ثاني ‏راح انْزِوي لين الاقي للعمُر صِرفه ‏يمكن يعيد الحنين وْجيه خِلاني ‏والاّ أتوه بْملامح ( وجه ) ما عرفه.! ‏• ‏⁧‫الارشيف‬⁩ ‏